Elordada «Altyn jebe» halyqaralyq sadaqshylar týrnıri ótedi
ASTANA. QazAqparat - QR Ulttyq sport qaýymdastyǵy uıymdastyratyn aıtýly básekege 15 elden sportshylar qatysady, dep habarlaıdy QazAqparat tilshisi.
Bul týraly búgin Ortalyq kommýnıkatsııalar qyzmetinde ótken baspasóz máslıhatynda málim boldy.
QR Mádenıet jáne sport mınıstrliginiń qoldaýymen jáne Ulttyq sport qaýymdastyǵynyń uıymdastyrýymen osymen ekinshi ret ótetin aıtýly sharaǵa 11 eldiń ókilderi qatysady. Atap aıtqanda, OAR, Germanııa, Ońtústik Koreıa, Túrkııa, Bolgarııa, Mońǵolııa, Reseı, Qyrǵyzstan, Rýmynııa, Vengrııa jáne Qazaqstan.
«Erteń elorda tórinde ІІ «Altyn jebe» halyqaralyq týrnıri bastalady. Sadaqshylar básekesine 11 memleketten 25 mergen qatysady. Jarystyń bıylǵy júlde qory - 4 mln teńge, bas báıgege 2 mln teńgege jýyq aqsha taǵaıyndaldy,- dedi Ulttyq sport qaýymdastyǵynyń prezıdenti Bekbolat Tileýhan.
«Altyn jebe» týrnıriniń ereksheligi - sadaqshylardyń barlyǵy nysanany at ústinen kózdep atady. Eki kúnge sozylatyn sadaqshylar saıysy úsh kezeńnen turady: «Shapshań atý», «Qalqan atý» jáne «Jamby atý».
Mergender jarysy Astanada «Qazanat» ıppodromynda 30-31 tamyz kúnderi ótedi.
