Elordada «Altyn tuǵyr – 2020» úsh tomdyq ádebı jınaǵy jaryq kórdi
2019 jyldan bastap ádebı baıqaýǵa orystildi qalamgerler de turaqty qatysyp keledi. Bıylǵy baıqaýǵa Ázerbaıjan qalamgerleri de aýyl taqyrybyndaǵy shyǵarmalaryn joldap, úzdik shyqqan týyndylar «Aýyl» partııasynyń arnaıy júldesimen marapattaldy.
Taǵy bir aıta keterligi, jyl saıyn ádebı baıqaýǵa kelip túsken shyǵarmalardyń arasynan úzdik týyndylar iriktelip, «Altyn tuǵyr» úsh tomdyq jınaǵy jaryqqa shyǵyp turady. Poezııa, proza, dramatýrgııa janrlary boıynsha aýyl taqyrybyndaǵy eń úzdik týyndylar toptastyrylǵan jınaq respýblıkalyq jáne aımaqtyq kitaphanalarǵa tegin taratylady.
Bıylǵy jınaqty qosa eseptegende aýyl taqyrybyna arnalǵan úzdik týyndylardyń kólemi 12 tomdy qurap otyr.
Aıta ketý kerek, tórtinshi márte uıymdastyrylǵan ádebı-onlaın baıqaýǵa qatysýshylar óz shyǵarmalaryn baıqaýdyń negizgi seriktesi «Mádenıet portalyna» jarııalap, barlyq týyndy jyl boıy oqyrman nazaryna usynylyp keldi.
