Elordada «Altyn saqa» ulttyq asyq atý oıyny boıynsha ІІ Ashyq qalalyq týrnır bastaldy

Asyq atý - qazaq halqynyń urpaqtan urpaqqa, ǵasyrdan ǵasyrǵa jalǵasqan, barlyq balalardyń súıikti oıyny. Osymen ekinshi márte ótkizilip otyrǵan týrnırdiń alǵashqy jylynda elorda mektepterinen 100-ge jýyq oqýshy qatysqan bolatyn.

Oıynnyń sharty mynadaı: Adam sanyna qaraı oıynshylar jerge syzyq syzady da, oǵan asyq tigedi. Asyqtyń «shik», «búk», «alshy», «taǵan», syndy 4 buryshy bar. Asyǵyndy «taǵanynan» nemese «alshysynan» túsirýge mindetti túrde tyrysý kereksiń. Bastysy erejeni bilýiń kerek. Eger oıynshy durys tikpese, kez-kelgen basqa oıynshy «qamser» dep asyqty alyp qoıa alady. Asyqty qadam ólshep baryp atady. Atqanda tıgizip, ári tıgizgenińdi ushyryp shyǵarýyń kerek. Týrnırdi ótkizý aıasynda qatysýshylar men kórermender arasynda asyq atý oıyny boıynsha ádisteme quraly taratylady.

Astana turǵyndary men qala qonaqtary Qazaqstannyń sporttyq jylnamasynda ekinshi ret ótkizilip jatqan osy naǵyz halyqtyq oıyndy óz kózimen kóre alady.

Uıymdastyrýshylardyń atap ótýinshe, kúni boıy jalǵasatyn týrnırdiń jeńimpazdaryna baǵaly syılyqtar tabys etiledi.