Elordada alty kóshe jol qorǵaýshy eritindimen óńdeledi
ASTANA. QazAqparat - Elordada Turan dańǵyly men Orynbor, Dostyq, Qonaev kóshelerine Rejuvaseal jol qorǵaýshy qabat tóseldi, bul - jol jabynyn uzaq ýaqytqa saqtaýdy qamtamasyz etetin emýlsııalyq-mıneraldy qospa, dep jazady qalanyń resmı saıty.
Qaramaı, hosh ıisti maılar men arnaıy eritindilerden jasalǵan emýlsııa asfaltbeton jabynyn qalpyna keltiredi, germetızatsııalaıdy jáne qorǵaıdy. Atalǵan ónim asfaltbeton jabynynyń tozý protsesin baıaýlatyp, jańartady, qoldaný merzimin uzartady.
Qospa jol jabynyna sińedi jáne eski asfalt jabynynda anyqtalǵan hımııalyq zattar teńgerimsizdigin qalpyna keltiredi. Bul protsess tutqyrlyq pen morttyǵyn aıtarlyqtaı tómendetedi, sonymen qatar, asfalttyń sozylǵyshtyǵy men ıilgishtigin arttyryp, jarylýyna, qabyrshaqtanýyna jol bermeıdi.
Qazirgi kezde:
- Turan dańǵylynyń Kereı Jánibek kóshesinen Saryarqa kópirine deıingi;
- Aqmeshit k-siniń Saraıshyq k-sinen Qonaev k-sine deıingi;
- Aqmeshit k-siniń Dostyq k-sinen Syǵanaq- k-sine deıingi;
- Dostyq k-siniń Turan dańǵylynan Orynbor k-sine deıingi;
- Qonaev k-siniń Qabanbaı batyr dańǵylynan Orynbor k-sine deıingi;
- Orynbor k-siniń Dostyq k-sinen M2 kópirine deıingi jol jabyny óńdeldi.
Aldaǵy ýaqytta tómendegi kóshelerdegi jol jabynyn óńdeý josparlanǵan:
- Orynbor k-si, Kereı jáne Jánibek handar k-si;
- Pýshkın k-si;
- Abaı dańǵyly Saryarqa dańǵylynan Respýblıka dańǵylyna deıin;
- Turan dańǵyly Qabanbaı batyr dańǵylynan № 31 kóshege deıin.
- Aqjol k-si № 1 jol qubyrynan № 2 jol qubyryna deıin.
