Elordada alty balabaqshanyń qurylysy bastaldy

ASTANA. QazAqparat - Astanada 2020 jylǵa qaraı úsh jastan alty jasqa deıingi balalardy balabaqshamen tolyq qamtý josparlanyp otyr, dep habarlaıdy elorda ákimdiginiń medıa ortalyǵy.

Astanada áleýmettik mańyzy bar nysandardyń qurylysy jalǵasyp jatyr.

Búginde memlekettik-jekemenshik áriptestik boıynsha 1 680 orynǵa arnalǵan alty balabaqshanyń qurylysy bastaldy (paıdalanýǵa 2019 jyly beriledi).

2020 jylǵa qaraı 3-ten 6 jasqa deıingi balalardy 100 paıyz qamtý josparlanýda.

Qazirgi tańda mektepke deıingi bilim mekemelerimen qamtý 28,2% quraıdy. (byltyr 70,6% bolǵan).

2017 jyly týý sanynyń ósýi men kóshi-qonnyń esebinen halyqtyń aǵylyp kelýine baılanysty balalardy mektepke deıingi bilimmen qamtý jáne tárbıeleý úshin eki memlekettik balabaqshanyń qurylysy aıaqtaldy. Taǵy da memlekettik-jekemenshik seriktestik aıasynda 980 orynǵa arnalǵan eki balabaqsha paıdalanýǵa beriletini josparlanýda.

Osy jyly qazan aıynda 79 jekemenshik balabaqshaǵa 9 076 orynǵa memlekettik tapsyrys berilip, qosymsha 300 mln teńge bólindi.

Jalpy alǵanda jekemenshik balabaqshaǵa memlekettik tapsyrys úshin 2,7 mlrd teńge bólindi.