Elordada Altyn Orda tarıhyna arnalǵan halyqaralyq sımpozıým bastaldy
ASTANA. KAZINFORM — Elordadaǵy Táýelsizdik saraıynda «Altyn Orda — dala órkenıetiniń úlgisi: tarıh, arheologııa, mádenıet, biregeılik» atty Halyqaralyq sımpozıým jumysyn bastady. Іs-sharaǵa Memleket basshysy Qasym-Jomart Toqaev qatysyp otyr.
Esterińizge sala ketsek, osy jyldyń qańtar aıynda Qyzylorda qalasynda ótken Ulttyq quryltaıdyń V otyrysynda Memleket basshysy Qasym-Jomart Toqaev Altyn Orda tarıhyna arnalǵan halyqaralyq sımpozıým uıymdastyrylatynyn, is-sharaǵa álemniń bedeldi ǵalymdary shaqyrylatynyn aıtqan edi.
Mádenıet jáne aqparat mınıstrliginiń málimetinshe, sımpozıýmdy ótkizý Qazaqstannyń ulttyq biregeıligin nyǵaıtýǵa, elimizdi Altyn Ordanyń quqyqtyq muragerleriniń biri retinde tanytýǵa yqpal etedi. Sonymen qatar Uly Dala dáýirin zertteýdegi halyqaralyq ǵylymı bedelin arttyrady.
Ǵylymı jıynǵa barlyǵy 350-den asa delegat qatysatyny josparlanǵan. Olardyń qatarynda halyqaralyq uıym ókilderi, bedeldi sheteldik ǵalymdar, qazaqstandyq tarıhshy-ǵalymdar bar.
