Elordada Álisher Naýaı eskertkishi ashylady

ASTANA. KAZINFORM – Búgin elordada ózbek aqyny Álisher Naýaı eskertkishi ashylady. Bul týraly Aqordada Ózbekstan Prezıdenti Shavkat Mırzıeevpen kelissózderden keıingi BAQ ókilderine arnalǵan brıfıngte Memleket basshysy Qasym-Jomart Toqaev aıtty.

«Qazaq-ózbek dostyǵynyń altyn kópiri - mádenı-gýmanıtarlyq yntymaqtastyq. Ony jan-jaqty damytý óte mańyzdy. Eki eldiń seriktestigi ejelden jalǵasyp kele jatqan baýyrlastyq qatynastan bastaý alady. Búgin Astanada ózbek halqynyń uly perzenti oıshyl, aqyn Álisher Naýaıdyń eskertkishi ashylady. Bul qazaq jurtynyń ózbek halqyna degen erekshe yqylasynyń belgisi. Álisher Naýaıdy kúli túrki jurty qadir tutady. Onyń murasyn barsha adamzattyń rýhanı qazynasy dep sanaıdy», - dedi Qasym-Jomart Toqaev.

Aıta keteıik, osyǵan deıin eki el prezıdentteri Sıannan Tashkentke kelgen konteınerlik poıyzǵa qatysty saltanatty sharany tamashalady.