Elordada alıment tólemegen boryshker páterin balasyna berdi
NUR-SULTAN. QazAqparat – Elordada alıment tólemegen boryshker óz balasyna páterin jazyp berdi, dep habarlaıdy QazAqparat Nur-Sultan qalasynyń Jeke sot oryndaýshylar óńirlik palatasynyń baspasóz qyzmetine silteme jasap.
«2020 jylǵy 19 naýryzda A. esimdi azamattan K. esimdi azamatshanyń paıdasyna jalaqynyń jáne ózge de tabystyń 1/4 bóligi mólsherinde alıment óndirip alý týraly atqarýshylyq is qozǵaldy. 2020 jyldyń 1 shildesindegi bereshek 3 406 648 teńgeni qurady. Qaryzdy óteý esebine bıylǵy jyldyń sáýir aıynda boryshker óndirip alýshynyń menshigine Aqtóbe qalasynyń Astana aýdandaǵy Táýelsizdik dańǵylynda ornalasqan bir bólmeli páterdi berdi», - dedi Nur-Sultan qalasy óńirlik palatasy basshysynyń orynbasary Madına Janasaeva.
Madına Janasaevanyń aıtýynsha, óndirip alýshy alımentten bas tartqan joq, boryshker kez kelgen jaǵdaıda bala kámelet jasyna tolǵanǵa deıin alıment tóleýdi jalǵastyratyn boldy.
