Elordada áli kúnge deıin SSSR-dyń tólqujatymen júrgen 40 adam anyqtaldy
NUR-SULTAN. QazAqparat – Nur-Sultan qalasynyń polıtsııa departamenti qujaty jaramsyz jáne mártebesi rettelmegen kúıde turyp jatqan 100 adamdy anyqtady, dep habarlaıdy QazAqparat tilshisi.
Departament taratqan málimetke sáıkes, onyń ishinde 40 adam SSSR-dyń 1974 jylǵy qyzyl tólqujatymen júrgeni anyqtalǵan. 50 adam ýaqtyly jeke kýáligin almasa, 10 azamattyǵy joq kúıde ómir súrgen.
«Nur-Sultan qalasynyń polıtsııa departamentine Aqmola oblysynyń 59 jastaǵy azamaty júgindi. Ol 1974 jyly Sovet odaǵy tusynda alǵan qujatymen júrgen. Ony Qazaqstan Respýblıkasynyń azamaty retinde taný týraly materıal qabyldanyp, azamat aldaǵy ýaqytta Qazaqstan Respýblıkasynyń azamattyǵyn alatyn boldy», - dep habarlaıdy departamenttiń baspasóz qyzmeti.
Nur-Sultan qalasynyń polıtsııa departamenti qujaty jaramsyz jáne mártebesi rettelmegen kúıde júrgen azamattardy anyqtap jatyr. Sonyme. qatar ýchaskelik polıtseıler «WhastsApp» arqyly PIK toptaryna tıisti habarlamalardy taratýda.
Kóshi-qon qyzmeti «Qorǵaý» qoǵamdyq qorymen, qalalyq psıhıkalyq densaýlyq ortalyǵymen birge jeke basyn kýálandyrý úshin qujatsyz júrgen azamattardy anyqtaýdy jalǵastyrady.
