Elordada Alǵys aıtý kúnine oraı qaıyrymdylyq kesh ótedi
NUR-SULTAN. QazAqparat - Alǵys aıtý kúnine oraı «Qazaqstan» kontsert zalynda «Qazaqstan» RTRK AQ «Qazaq radıolary» JShS uıymdastyrýymen «Myń alǵys» dástúrli qaıyrymdylyq keshi ótedi.
Bul týraly «Qazaqstan» RTRK AQ baspasóz qyzmetinen málim boldy, dep habarlaıdy QazAqparat.
Keshke QR Parlamenti Senaty men Májilisiniń depýtattary, zııaly qaýym jáne BAQ ókilderi qatysady.
Sharanyń maqsaty – meıirimdilikti, qaıyrymdylyqty, ómirge degen qushtarlyqty nasıhattaý, aýyr dertke shaldyqqan jandardyń emine qarjy jınaý.
«Myń alǵys» qaıyrymdylyq kontsertinde:
• Mıdyń qaterli isigine shaldyqqan Samat Aqbergenovke kómek kórsetiledi;
• «Hareket» qaıyrymdylyq qory 3 otbasyna baspana kiltin tabystaıdy. Olardyń biri Qaraǵandy qalasy, ekeýi Aqmola oblysynan;
• «Asyl adam» qaıyrymdylyq qory óziniń baspanasy bolmasa da, ózgege qol ushyn sozyp júrgen eriktiniń birine páter kiltin tabystaıdy;
• Sheshenstan Respýblıkasy Groznyı qalasynda turatyn Marııam Ramazanqyzy 56 jyldan soń týǵan ápkesi Natalıa Metelskaıamen tabysady;
• Germanııada 1982-1984 jyldary áskerı boryshyn ótegen Muhıt Marasýlov pen Baltabaı Aqjanov 36 jyldan soń kezdesedi;
• Keshke «Barmysyń, baýyrym?» baǵdarlamasy arqyly jaqyndaryn tapqan ıAnına Melehova (Máskeý), Vıktor Vıntergoller qatysady;
«Barmysyń, baýyrym?» baǵdarlamasy efırge shyqqaly 800 hat-qońyraý túsip, 130 adam anyqtaldy. «Myń alǵys» radıohabary men qaıyrymdylyq kesh aıasynda muqtaj jandarǵa 85 630 000 teńge kóleminde kómek kórsetildi.
Qaıyrymdylyq kontsertine Maıra Muhamedqyzy, Qurmash Mahan, Mıras pen Quralaı, Álisher Karımov, Qaraqat Ábildına, Ómirqul Aınııazov, Altynaı Jorabaeva syndy estrada juldyzdary, «Ulttyq ulan» sarbazdary, «Art Music» kvarteti qatysady.
Ótetin orny: «Qazaqstan» Ortalyq kontsert zaly.
