Elordada alǵashqy BKS «Eır Astana» qaıyrymdylyq marafony ótti (FOTO)
ASTANA. QazAqparat - Elordada alǵashqy BKS «Eır Astana» qaıyrymdylyq marafony ótti.
Qazaq-Brıtan qoǵamy (BKS) osymen birneshe jyl qatarynan qaıyrymdylyq sporttyq jarystaryn ótkizip keledi. Bunyń aldynda Astanada, Almatyda jáne Londonda jartylaı marafondar uıymdastyrylyp kelgen bolatyn, al bıyl tolyqqandy marafon ótkizý jóninde sheshim jasaldy jáne onyń qashyqtyǵy 42 shaqyrym 195 metrge deıin arttyryldy.
BKS «Eır Astana» marafonyna qatysý úshin keminde 20 fýnt sterlıng qaıyrymdylyq jarna tóleý kerek, bul shamamen 7500 teńgege para-par. Dástúr boıynsha barlyq qarajat "AıALA" qaıyrymdylyq qoryna baǵyttalady.
Júgirýge QR Premer-Mınıstri Kárim Másimov pen Astana ákimi Ádilbek Jaqsybekov qatysty.
"Búgingi jarysqa qatysyp otyrǵan árbir jan gýmanıtarlyq sharaǵa qatysyp qana qoımaı, úlken jeńiske qol jetkize alady. Tańerteń erte kelip, marafonǵa qatysýdyń ózi úlken jeńis. Densaýlyqtaryńyzdyń saýlyǵyna úlken áseri de bar. Denderińiz saý bolsyn, sportpen shuǵyldanyp, osyndaı qaıyrymdylyq sharalarǵa qatysyp otyryńyzdar", - dedi Á. Jaqsybekov.
