Elordada alǵash ret jyljymaıtyn múlikke quqyq elektrondy túrde tirkeldi
«Máselen, jaqynda Astana qalasynyń jeke notarıýsy Áıgerim Muratqyzy Aıkeshevanyń jyljymaıtyn múlik quqyǵyn tuńǵysh ret elektrondy túrde tirkedi. Satyp alý-satý kelisimi rásimdelgen soń, notarıýs satýshynyń elektrondyq tirkeýge jazbasha kelisimimen, «E-notarıat» (birtutas notarıattyq aqparattyq júıe) júıesi arqyly notarıýstyń elektrondyq tsıfrlyq qolymen bekitilgen quqyqty kýálandyratyn qujatty elektrondyq túrde Astanalyq Ádilet departamentine jiberdi», - dep málimdeıdi Astana qalasy Ádilet departamentiniń jyljymaıtyn múlikke quqyqtardy tirkeý jumysyn uıymdastyrý bóliminiń bastyǵy Gúlshat Bıkenova.
Jyljymaıtyn múlikti satyp alýshy kelisimge qol qoıǵannan keıin, memlekettik bajdyń somasyn banktiń tóleý kartochkasymen Qazaqstan Respýblıkasy Elektrondyq úkimetiniń tóleý shlıýzi arqyly tóledi. Jyljymaıtyn múlikti elektrondy tirkeý nebári bir kún ishinde júzege asyryldy.
«Notarıýsta kelisim-shart jasaǵannan keıin, azamattarǵa HQKO-ǵa qujat tapsyryp, Ádilet organdarynyń sheshimin kútý mindetti emes. Barlyq qajetti aqparat notarıýstan avtomattyq túrde tirkelý organyna túsedi. Quqyq ıelenýshi nemese onyń ýákiline «elektrondyq úkimet» tóleý shlıýzi arqyly memlekettik tirkeý jıyny úshin ǵana tóleý qajet. Tirkeýshi organ, elektrondyq túbirtek bar bolǵanda jáne quqyqtyq kadastr aqparattyq júıesine avtomattyq túrde quqyqty kýálandyratyn qujattyń kóshirmesi kelip túsken jaǵdaıda tirkeý ótkizilgeni týraly habarlamany birtutas notarıaldyq aqparattyq júıesine joldaıdy.
Elektrondyq tirkeý úshin azamattardyń elektrondyq tsıfrlyq qol tańbalary qajet emes, tirkeý úshin eń bastysy: JSN, Internetke qol jetimdilik, bank tólem kartochkasy qajet ekenin atap ótken jón.
Eske salaıyq, Qazaqstan Respýblıkasynyń «Jyljymaıtyn múlikke quqyqty memlekettik tirkeý týraly» zańyna engizilgen ózgeristerge sáıkes, 2013 jyldyń 1 qańtarynan bastap Qazaqstan aýmaǵynda jyljymaıtyn múlikke quqyqty memlekettik tirkeý elektrondy túrde engizildi.
