Elordada alǵash ret semserlesýden álem kýbogi kezeńi ótedi

ASTANA. KAZINFORM – 26-29 naýryz kúnderi elordadaǵy QAZAQSTAN jeńil atletıka kesheninde semserlesýden (shpaga) álem kýbogy kezeńi ótedi. Bul týraly Týrızm jáne sport mınıstrliginiń baspasóz qyzmeti habarlady. 

Halyqaralyq dodaǵa 96 elden 600-den astam sportshy qatysady dep josparlanǵan.

Jarystar erler men áıelder arasynda jeke jáne komandalyq synda uıymdastyrylady. Qazaqstan quramasy sapynda Rýslan Qurbanov, Elmır Álimjanov, Erlik Sertaı, Kırıll Prohodov jáne Vadım Sharlaımov óner kórsetedi. Jalpy, júlde úshin 30-ǵa jýyq otandyq sportshy baq synaıdy. 

Eske sala keteıik, buǵan deıin qazaqstandyq semserlesýshiler Majarstandaǵy Gran-prı týrnırine qatysatynyn habarlaǵan edik.