Elordada alǵash ret óńirlik ekologııalyq sammıt ótedi
ASTANA. KAZINFORM – 2026 jylǵy 22–24 sáýir aralyǵynda Astana qalasynda alǵash ret Óńirlik ekologııalyq sammıt ótedi. Іs-sharanyń negizgi alańdarynyń biri, QR Energetıka mınıstrliginiń uıymdastyrýymen Ortalyq Azııadaǵy ádil energetıkalyq kóshýge arnalǵan paneldik sessııa bolmaq.
Energetıkalyq kóshý máseleleri kóptegen el úshin ózekti bolyp qala beredi. Jyl saıyn álemdik energııa tutyný kólemi artyp keledi, bul energııanyń barlyq kózderin – munaı, gaz, kómir, atom, kún jáne jel generatsııasyn – saqtaý men damytýdyń qajettiligin bildiredi.
Basty mindet – energııa kózderin joqqa shyǵarý emes, olardyń árqaısysyn neǵurlym taza ári tıimdi etý. Birqatar eldiń energetıkalyq saıasaty shamadan tys jarys kezeńinen keıin qaıtadan teńgerimdi jáne pragmatıkalyq tásilge basymdyq berip otyr. Ásirese ulttyq erekshelikter men ár memlekettiń energetıkalyq kóshý qarqynyn eskerý mańyzdy.
Energojúıelerdi ońtaılandyrýda, jelilerdiń senimdiligin arttyrýda jáne shyǵaryndylardy qysqartýda tsıfrlandyrý men jasandy ıntellekttiń rólin erekshe atap ótken jón.
Qazaqstan energetıkalyq kóshý boıynsha evolıýtsııalyq joldy ustanyp keledi. Kómirsýtekter ekonomıkada mańyzdy rólin saqtaıdy, sonymen qatar kómirtekti ustaý tehnologııalaryn qosa alǵanda, taza tehnologııalar engizilip jatyr. Elde jańartylatyn energetıka qarqyndy damyp keledi.
Óńirlik ekologııalyq sammıt (RES 2026) – Ortalyq Azııa elderi men basqa memleketterdi klımattyń ózgerýi, sý resýrstarynyń tozýy, tabıǵı resýrstardy turaqty basqarý jáne basqa da ózekti ekologııalyq máselelerdi sheshý úshin biriktirýge baǵyttalǵan halyqaralyq is-shara. RES 2026 2026 jylǵy 22-24 sáýir aralyǵynda Astana qalasynda (Qazaqstan) ótedi. Sammıtke memleketter, halyqaralyq uıymdar, bıznes jáne ǵylym ókilderinen turatyn 1 500 delegattyń qatysýy kútilip otyr.
RES 2026-ny BUU-men áriptestik aıasynda ótkizý bastamasyn Qazaqstan Respýblıkasynyń Prezıdenti Qasym-Jomart Toqaev 2023 jyly BUU Bas Assambleıasynyń 78-sessııasynda jarııalaǵan bolatyn.
Buǵan deıin ekologııaǵa keltirilgen zııan úshin tólem tártibi ózgergenin habarlaǵan edik.