Elordada alǵash ret múmkindigi shekteýli jandar arasynda arba bıi halyqaralyq týrnıri ótti
ASTANA. QazAqparat - Astanada alǵash ret múmkindigi shekteýli jandar arasynda arbada otyryp, bı bıleýden halyqaralyq týrnır ótti, dep jazady 24.kz.
«Qazaqstan Oýpen-2014» baıqaýyna jerlesterimizden bólek Reseı, Belarýs, Taıland, Qytaı, Japonııa jáne Ońtústik Koreıadan bıshiler qatysqan. Sportshylardyń arasynda Azııa, Eýropa jáne Álem chempıondary bar. Olar solo, kombı jáne dýo atalymdary boıynsha baq synasty. Aıta keteıik, óner dodasyna qatysqan 30-ǵa jýyq bıshiniń teń jartysy - otandastarymyz. Elimizde sporttyq bıdiń bul túri 2010 jyldan bastap damyǵan. Soǵan qaramastan, qazaqstandyq sportshylar birneshe jyldyń ishinde jaqsy kórsetkishterge jetti. Osylaısha bıylǵy saıystyń solo atalymy boıynsha jerlesimiz Aıgúl Balmaǵambetova altyn júlde arqalady. Sondaı-aq baıqaý júldegerleri Ońtústik Koreıada ótetin Azııa paralımpıadasyna joldama alady.
«Bul shara dástúrge aınalady dep oılaımyz. Bul úlken jarys bizdiń qazaqstandyqtardyń paralımpıadaǵa umtylysyna úlken úles qosýda. Bizdiń oıymyzsha, arbadaǵy bıge kóp qazaqstandyq qyzyǵady», - deıdi QR Ulttyq paralımpıada komıteti uıymdastyrý bóliminiń sarapshysy Ernazar Beksultanov.
