Elordada alǵash ret múmkindigi shekteýli balalar ınklıýzıvti mıýzıkl kórsetedi
ASTANA. QazAqparat - 9 maýsymda Nazarbaev ýnıversıtetinde alǵash ret «Djýnglı kitaby» atty teatrlandyrylǵan qoıylymnyń premerasy ótedi. Onda basty qaharmandardy kásibı akterler emes, erekshe damyp kele jatqan jasóspirim balalar oınaıdy, dep habarlaıdy elorda ákimdiginiń resmı saıty.
Sahnada óz shyǵarmashylyǵyn «KIT» mektebiniń tárbıelenýshileri usynady, munda Daýn sındromy, DTsP, aýtıstıkalyq spektri buzylǵan, sańyraý jáne basqa da erekshe balalar oqıdy.
Aıta keteıik, barlyq teatrlandyrylǵan qoıylym tegin uıymdastyryldy. Kostıýmderdi balalar men volonterler óz qoldarymen jasady, al materıaldar beıjaı qalmaǵan azamattardyń arqasynda jetkizildi. Jasóspirimder ár jeksenbide bı bılep, vokal men akterlik sheberlikterin shyńdap, túrli oıyndardy oınady, bir-birimen emin-erkin júzdesti.
Inklıýzıvti mıýzıkl - bul biregeı joba, erekshe kútimdi qajet etetin jasóspirimderge óz qurbylarymen tepe teń bir sahnada oınaýǵa múmkindik beredi. Osy tektes is-shara balalarǵa óziniń myqty qyryn ashyp, aralasýǵa jáne úlken múmkindikterdi baǵyndyrýyna kómektesedi.
Kontserttiń bastalýy: 18:00-de.
