Elordada alǵash ret qurylysy bitpegen nysandardyń jármeńkesi ótedi
ASTANA. QazAqparat - 19 sáýirde elorda ákimdigi qalalyq prokýratýramen birlesip qurylysy bitpegen nysandardyń ınvestorlarǵa baǵyttalǵan jármeńkesin ótkizedi, dep habarlaıdy Astana qalasy ákimdiginiń resmı saıty .
Sharanyń maqsaty - Astana qalasynda qurylysy toqtap qalǵan problemalyq nysandardy salyp bitirý.
Jármeńkede usynylatyn nysandarǵa segiz turǵyn úı kesheni jatady:
1. «Arabı-2» TK - J. Tarhan jáne A. Jubanov kósheleriniń qıylysy;
2. «Skaı sıtı» TK, Komsomolskıı turǵyn alaby;
3. Qorǵaljyn tas joly aýdanyndaǵy «Alǵa Samal» TK;
4. «Baıtaý» TK ( «Black gold development» JShS)- Mángilik El dańǵyly;
5. Saryarqa jáne Abaı dańǵyldarynyń qıylysynda ornalasqan «Stolıchnyı-2» TK;
6. Qorǵaljyn tas joly aýdanyndaǵy «Úmit bereke» TK;
7. Qosshy kentinde (Aqmola oblysynyń Tselınograd aýdany) ornalasqan «Albarakat» kompanııasynyń «Jaılaý Sıtı» TK;
8. «Tabysquryltaı» TK (Qosshy kenti, Aqmola oblysynyń Tselınograd aýdany);
Jármeńkege «Atameken» QR Ulttyq kásipkerler palatasynyń ókilderi, QR IDM Investıtsııalar jónindegi komıtetiniń, elimizdiń bıznes qaýymdastyǵynyń ókilderi, qurylys uıymdary qatysady dep kútilýde.
Jármeńkege damý keleshegi zor qurylys nysandaryna qarjy quıýǵa nıetti áleýetti ınvestorlar shaqyrylady. Áleýetti satyp alýshylar úshin tólqujattary bar nysandarmen tanysýǵa arnalǵan materıaldar daıyndaldy.
Jármeńke Á. Mámbetov k-si, 22 (burynǵy Á. Bókeıhan k-si) mekenjaıy boıynsha (burynǵy «Kongress-holldyń» janynda)ornalasqan «Astana Bas jospary» ǵylymı-zertteý jobalyq ınstıtýty» jaýapkershiligi shekteýli seriktestiginiń ákimshilik ǵımaratynda ótedi.
Qyzyqtyrǵan suraqtar boıynsha 55-64-71, 55-64-73, 70-27-66, 71-24-36 telefondary arqyly baılanysyp, aqparat alýǵa bolady.
