Elordada alǵash ret QR Tótenshe jaǵdaılar mınıstriniń kýbogy úshin hokkeıden týrnır ótti
Іs-shara Qazaqstan Respýblıkasy Táýelsizdiginiń 30 jyldyǵyna oraı uıymdastyrylǵan, dep habarlaıdy QazAqparat QR Tótenshe jaǵdaılar mınıstrliginiń baspasóz qyzmetine silteme jasap.
Saltanatty ashylý rásimine Tótenshe jaǵdaılar mınıstri ıÝrıı Ilın, TJM, Nur-Sultan qalasynyń, Aqtóbe jáne Soltústik Qazaqstan oblystarynyń TJD basshylyǵy men jeke quramy, jarysqa qatysýshylar men qonaqtar qatysty.
Kýbok úshin týrnırde Nur-Sultan qalasy, Aqtóbe jáne Soltústik Qazaqstan oblystarynyń TJD, sondaı-aq QR ІІM Soltústik Qazaqstan oblysynyń Arnaýly kúzet qyzmeti basqarmasynyń komandalary baq synasty.
Hokkeı qoldanystaǵy erejelerge sáıkes aınalmaly júıe boıynsha ótti, 15 mınýttan 3 taım, 3 mınýttyq úzilis. Ár komandanyń quramynda 12 oıynshy bar.
Oıyn barysyn elordalyq garnızon qutqarýshylarynyń kásibı daıyndyq bólimshesi, QR TJ mınıstrligi qyzmetkerlerinen quralǵan tóreshiler alqasy baqylady.
Oıyn qorytyndysy boıynsha birinshi oryndy Soltústik Qazaqstan oblysy TJD komandasy ıelendi. Ekinshi oryn QR ІІM Soltústik Qazaqstan oblysynyń Arnaýly kúzet qyzmeti basqarmasynyń komandasyna berildi. Nur-Sultan qalasy TJD komandasy úshinshi oryndy jáne Aqtóbe qalasy TJD komandasy tórtinshi oryndy ıelendi.
Komandalar dıplomdarmen, medaldarmen jáne estelik syılyqtarmen marapattaldy. Týrnır chempıondaryna aýyspaly kýbok pen birinshi dárejeli dıplom tabys etildi.
