Elordada alǵash áleýmettik dárihana ashyldy
«Ótken jyly pandemııa etek jaıǵan kezde biz qala boıynsha dári-dármek baǵalaryna monıtorıng júrgizdik. Onyń nátıjesinde elordada dári-dármek baǵasynyń turaqsyzdyǵyn baıqadyq. Osy oraıda ótken jyly kúzde qalalyq «Astana» áleýmettik-kásipkerlik korporatsııasymen birlesip, áleýmettik dárihana ashý týraly sheshim qabyldandy. Mine, búgin elordada alǵashqy áleýmettik dárihana ashyldy», - dedi «Astana – adaldyq alańy» jobasynyń jetekshisi Mıras Shekenov.
Sondaı-aq, joba jetekshisi dári-dármek baǵasyna qatysty túsinikteme berdi.
«Mundaǵy dári-dármekter qandaı jolmen arzanǵa satylýda degenge kelsek, «Astana» áleýmettik-kásipkerlik korporatsııasy dárihana ǵımaratyn usynyp otyr, ıaǵnı jalǵa tólemeıdi, tek qana kommýnaldyq tólemderdi óteıdi. Sonymen qatar dárihananyń ishi-syrtyna qurylystyq jóndeý jumystary tegin jasalyp berdi. Dári-dármektiń baǵasyna kelsek, 3 myń teńgeden qymbat turatyn dáriler basqa dárihanalarǵa qaraǵanda munda 4 paıyzǵa arzan, 1 myń teńńge men 3 myń teńgege deıingi dári-dármekter 6 paıyzǵa arzan, al 1 myń teńge jáne odan da tómen baǵany quraıtyn dáriler 15 paıyzǵa deıin arzan», - deıdi ol.
Buǵan deıin habarlaǵanymyzdaı, elorda ákimi Altaı Kólginov pen QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaev «Astana – adaldyq alańy» jobasy jumysymen tanysty.