Elordada áleýmettik nysandar jylý júıesine qosyla bastady

NUR-SULTAN. QazAqparat – Elordada ótinim bergen medıtsınalyq mekeme, bilim berý nysandary, balabaqsha sekildi áleýmettik nysandarǵa jylý berile bastady, dep habarlaıdy QazAqparat qala ákimdigine silteme jasap.

Elorda ákimi Altaı Kólginovtiń basshylyǵymen ákimdikte jylytý maýsymy boıynsha keńes ótti.

Qalada jylý berý maýsymy 5 kún boıy táýliktegi ortasha temperatýra +10 gradýs (jáne odan tómen) bolǵan kezde kezde tolyǵymen bastalady. Degenmen, tutynýshylardyń ótinimi boıynsha jylý berýge qalanyń áleýmettik nysandary qosyla bastady. Budan basqa, jańa nysandardy jylytýǵa qosý kózderi anyqtaldy, tekserý júrgizilip jatyr.

Sondaı-aq, eldi mekenderdi gazdandyrý, jylý elektr ortalyqtaryn jańǵyrtý, JEO sý jylytý qazandyqtaryn gazǵa aýystyrý jumystary júrgizilip jatyr.

Jeke sektor turǵyndary úshin qalanyń barlyq aýdanynda kómir satatyn kompanııalar anyqtaldy.