Elordada áleýmettik mańyzy bar taýarlar óz baǵasymen satylýda

NUR-SULTAN. QazAqparat – Elordada karantın kezinde iri saýda jelileri birqatar áleýmettik mańyzy bar azyq-túlik taýarlaryn ústemaqysyz – óz baǵasymen satyp jatyr, dep habarlaıdy QazAqparat qala ákimdigine silteme jasap.

Mysaly, elordada barlyq Small sýpermarket jelileri osy jumys prıntsıpine kóshti. Magnum saýda jelisi karantın kezeńinde birqatar áleýmettik mańyzy bar ónimderdi óz baǵasynan arzanǵa satady. KeńMart gıpermarketi 1 sáýirden bastap 130 taýardyń baǵasyn 5%-ǵa tómendetti; kartop, pııaz, sábiz jáne qyryqqabat óz baǵasymen satylady.

Elorda ákimdigi naryq qatysýshylarymen birge áleýmettik mańyzy bar azyq-túlik taýarlaryna baǵany turaqtandyrý boıynsha júıeli jumystar júrgizýde.

Elordada turaqtandyrý qory qurylyp, bólshek saýda jelilerin jeńildetilgen nesıeleý boıynsha jumys júrgizildi – «aınalym mehanızmi» jobasyna birqatar iri saýda jelileri men bazarlar qatysýda. Osylaısha, qala ákimdigi naryq qatysýshylaryna qoldaý kórsetýde.