Elordada áleýmettik ІT-jobalar baıqaýynyń qorytyndysy shyqty
NUR-SULTAN. QazAqparat - Astana Hub pen ıÝNISEF balalar múddesin qorǵaýǵa baǵyttalǵan áleýmettik IT-jobalar konkýrsynyń qorytyndysyn shyǵardy, dep habarlaıdy QazAqparat tilshisi.
Astana Hub Halyqaralyq IT-startaptar tehnoparki jáne ıÝNISEF halyqaralyq uıymy áleýmettik IT-jobalardyń akseleratsııa konkýrsynyń nátıjesin shyǵardy. Qatysýshylar 37 joba usynǵan. Іrikteý qorytyndysy boıynsha kelesi mindetterdi sheshý úshin tórt joba jarııalandy:
- «Balalardyń bilim sapasyn arttyrý» QR Bilim mınıstrligimen birlesip - «Qlang» jobasy. Qlang - bul ınteraktıvti taqtada jattyǵýlardy oryndap, muǵalimmen beınesuhbat arqyly baılanysa otyryp, oqytýshymen onlaın rejımde oqýǵa múmkindik beretin daıyn bilim berý platformasy;
- «Zorlyq-zombylyqtyń aldyn alý» QR Bilim mınıstrligimen birlesip- «jaqyndarym» jobasy. Ol ata-analarǵa óz balalaryn túsinýge kómektesedi, Qazirgi psıhologııa turǵysynan «oılaýdyń sátti barysyn» kórsetedi;
- QR Densaýlyq saqtaý mınıstrligimen birlesip «Balalar arasynda jaraqat alý jaǵdaılaryn tómendetý» jobasy – «Qoljetimdi Qazaqstan» jobasy. Qoljetimdi Qazaqstan - bul onlaın-karta, oǵan qalalyq nysandar men qyzmetterdiń ashyqtyǵy týraly aqparat beriledi. Kartadaǵy ashyq jáne tegin derekter balalarǵa, sondaı-aq arbalary bar ata-analarǵa qalalyq keńistikti durys baǵdarlaýǵa múmkindik beredi.
- «Otbasy men balalarǵa qoldaý kórsetý «QR Eńbek jáne halyqty áleýmettik qorǵaý mınıstrligimen birlesip «Smart Grades» jobasy. Smart Grades - mektepterde jaqsy baǵalary úshin balany kótermeleý úshin qosymsha. Demeýshilerdiń belgili bir syıaqylary oqýshylardy yntamen oqýǵa jáne mekteptegi úlgerimdi arttyrýǵa yntalandyratyn bolady.
Іriktelgen jobalar ınkýbatsııa men odan ári akseleratsııalaý, sondaı-aq Astana Hub barlyq qoljetimdi resýrstarymen, onyń ishinde ıÝNISEF sarapshylary men jaýapty mınıstrlikterdiń tarapynan qoldaý kútedi.
Esterińizge sala keteıik, «Social Innovation» áleýmettik ınnovatsııalar zerthanasy boıynsha birlesken jobasy - IT-startaptardyń halyqaralyq tehnoparki men ıÝNISEF ótken jyldyń qazan aıynda iske qosylǵan bolatyn.
2019 jyly Astana Hub jáne BUU ıÝNISEF Balalar Qory iske qosqan Social Innovation Lab maqsaty Qazaqstan Respýblıkasynda balalardyń múddelerine baǵdarlanǵan áleýmettik ınnovatsııa baǵyttary boıynsha jobalardy qoldaý jáne damytý úshin jaǵdaı jasaý bolyp otyr.
