Elordada «Áleýmettik-ekonomıkalyq jáne qoǵamdyq-saıası jańǵyrtý jaǵdaıynda Qazaqstannyń ult birligi doktrınasyn júzege asyrý» taqyrybynda dóńgelek ústel ótti
Alqaly jıyn barysynda Qazaqstannyń ult birligi doktrınasy erejelerin júzege asyrýdyń tıimdiligi, saılaýshylarmen depýtattardyń ózara baılanysy, Qazaqstan halqy Assambleıasynyń qyzmetin ǵylymı-saraptamalyq súıemeldeý, áleýmettik-tanymdyq jobalardy, aqparattyq, til saıasattaryn uıymdastyrý aıasynda memlekettik-jeke áriptestikti júzege asyrýdyń tıimdiligin arttyrýǵa qatysty birqatar mańyzdy máseleler talqylandy. Qoǵamdy biriktirý men ulttyq birlikti nyǵaıtýdyń tetikterin jetildirý ári biriktirýshi faktorlardy damytý máseleleri pikirsaıys alńynyń arqaýyna aınaldy.
Jalpy atalǵan shara «Etnosaıasattyń jańa qaterleri men mindetteri: úılestirý, basqarý jáne monıtorıng tehnologııalary» atty úshkúndik respýblıkalyq semınar-trenıng aıasynda uıymdastyryldy. Semınar barysynda fılologııa ǵylymynyń doktory, professor Asma Qalybekovanyń «Qazaq halyq tárbıesiniń asyl murasy» aty monografııasynyń tusaýkeseri ótti.
