Elordada álemdik IT-mamandardy daıarlaıtyn tegin mektep ashyldy
Mektep muǵalim, dáris, baǵa syndy dástúrli oqytýdan tys álemdik deńgeıdegi IT-mamandardy tegin daıarlaıdy. Bes jylda alem Qazaqstan men ózge de memleketterde suranysqa ıe bolatyn 1 000 maman ázirleýdi josparlap otyr.
«Alem – Umit Fund bilim berý qory men eýropalyq 01 Edu System bilim berý platformasynyń kommertsııalyq emes jobasy. Qazirgi ýaqytta mektepte 4 aptalyq bootcamp (basseın) ótip jatyr, onda stýdentter shekteýli ýaqytta tájirıbelik tapsyrmalardy oryndap shyǵýy tıis. Osy synaqtan ótkender ǵana mekteptegi oqýdy jalǵastyra alady», - dep habarlady AstanaHub tehnoparkiniń baspasóz qyzmeti.
Alem mektebindegi oqý tegin jáne Peer learning (jelilik, toptyq oqytý) qaǵıdatyna negizdelgen. Munda stýdentter standartty tehnıkalyq qabiletterden bólek, syndarly oılaý, jaýapkershilik, sheshim qabyldaý men top ishinde jumys isteýdi úırenedi.
alem baǵdarlamasynda geımıfıkatsııa tásili de qoldanylady, ıaǵnı stýdent kelesi taqyryptardy úırený úshin bir kezeńniń tapsyrmalaryn tolyq oryndaýy tıis.
Alǵashqy lek úshin alem mektebinde 200 oryn qarastyrylǵan. Mektep 18-35 jas aralyǵyndaǵy azamattar qabyldanady. Ázirge birinshi basseın qatysýshylarynyń ortasha jasy – 23,5. Olardyń 20% qyzdar. Ortasha oqytý merzimi – eki jyl. Bul tapsyrmalardy stýdentter ózine yńǵaıly ýaqytta oryndaı alady.
Eske sala ketsek, 24-25 qazan kúnderi Nur-Sultanda jyl saıynǵy «Digital Bridge» halyqaralyq tehnologııalyq forýmy ótti. Onda QR Eńbek jáne halyqty áleýmettik qorǵaý mınıstrligi mektepter men avtobýstardaǵy áleýmettik ID kartany tanystyrdy.