Elordada álemdik fıtnes ındýstrııasy juldyzdarynyń qatysýymen deneshynyqtyrý festıvali ótedi
ASTANA. QazAqparat - Elordada álemdik fıtnes ındýstrııasy juldyzdarynyń qatysýymen deneshynyqtyrý festıvali ótedi. Bul týraly búgin «World Class» fıtnes klýby jelileriniń marketıng jónindegi dırektory Raýshan Búrkitbaeva QR Sport jáne dene shynyqtyrý isteri agenttigi men klýb arasynda yntymaqtastyq týraly memorandýmǵa qol qoıylǵannan keıin málim etti.
Klýb deneshynyqtyrý jáne fıtnes festıvalin ótkizýdi josparlap otyrǵanyn aıtqan R.Búrkitbaeva: «Bul festıval 23-25 qazan kúnderi respýblıkalyq velotrekte ótedi. Ol qatysýshylardyń kásibıligin arttyrýǵa jáne dúnıetanymyn keńeıtýge baǵyttalǵan kásibı shara bolmaq. Biz barlyq deneshynyqtyrý páni muǵalimderin, barlyq jattyqtyrýshylardy jáne fıtnes nusqaýshylardy shaqyramyz. Bul úzdik nusqaýshylardan úırenýge zor múmkindik beredi. Óıtkeni, biz bul sharaǵa shetelden fıtnes ındýstrııanyń álemdik juldyzdaryn shaqyryp otyrmyz», - dedi.
