Elordada «Álem dárigerleri ıadrolyq soǵysty boldyrmaý úshin» konferentsııasy ótip jatyr
ASTANA. QazAqparat - Astanada «Álem dárigerleri ıadrolyq soǵysty boldyrmaý úshin» ekikúndik stýdenttik konferentsııa ótip jatyr, dep habarlady astana.kz.
Oǵan álemniń 9 memleketiniń medıtsınalyq JOO dárigerleri men stýdentteri qatysýda. Eske salaıyq, 14 tamyzda qatysýshylar velosıpedpen Semeıden Astanaǵa jol tartqan bolatyn. Olar jol boıynda qalalar men aýyldyq eldi-mekenderge toqtady.
Qatysýshylar 27-28 tamyzda HHІ Dúnıejúzilik kongrestiń jumysyna qatysady, delingen habarlamada. HІ Búkilálemdik «Álem dárigerleri ıadrolyq soǵysty boldyrmaý úshin» kongresine 50 elden delegattar qatysady. 29 tamyz - Semeı ıadrolyq polıgonynyń jabylǵan kúni. Bul - Qazaqstan úshin mańyzdy oqıǵa. 23 jyl buryn polıgonda barlyq synaqtar toqtatyldy. Memleket basshysy Nursultan Nazarbaev pen barsha Qazaqstan halqynyń ıadrolyq qarýdy joıý nıeti júzege asty.
