Elordada «Álem» atty balettiń premerasy ótedi
ASTANA. QazAqparat - 27 maýsymda, Astana kúnin merekeleý aıasynda Beıbitshilik jáne kelisim saraıynyń sahnasynda «Astana Ballet» horeografııalyq ujymynyń iri aýqymdaǵy tuńǵysh qoıylymy - «Álem» atty bir aktili biregeı balettiń tusaýkeseri ótedi.
Qoıylymnyń qoıýshy-horeografy belgili Reseı baletmeısteri Nıkıta Dmıtrıevskıı.
Qazirgi ýqytta qoıylymdy daıyndaý jumystary qyzý qarqynmen júrýde.
«Barlyq balerınalar óte tartymdy jáne ártúrli, óte qajyrly, tolyq qaıtarymmen jumys isteıdi. Bul úlken ujymdyq jumys bolǵandyqtan bizder bir-birimizdiń pikirimizge qulaq asamyz, bul erekshe mańyzdy»,-deıdi qoıýshy-horeograf.
Nıkıta Dmıtrıevskııdiń sony horeografııasy ózekti álemdik úrdister men qazaq bı mádenıetiniń dástúrli áýeniniń názik, sezimtal sıntezine aınaldy. Mýltımedııa salasyndaǵy Reseıdiń jetekshi mamandarynyń biri Leonıd Basın spektakldiń beınelik tujyrymyn da Qazaqstannyń baı mádenıetiniń erekshelikterin esepke ala otyryp jasady. Áýenin etno-kompozıtor Bolat Ǵafarov, lıbrettony belgili aqyn, stsenarııshi Baqyt Qaıyrbekov jazdy.
