Elordada aldaǵy úsh kúnde tegin ekskýrsııalar uıymdastyrylady

ASTANA. QazAqparat - 6-9 mamyr aralyǵynda Astana turǵyndary men qonaqtary «Red Bus» avtobýstarymen qalanyń sol jaq jaǵalaýyna tegin saıahattaı alady, dep habarlaıdy QazAqparat ákimdiktiń saıtyna silteme jasap. 

Astananyń 20 jyldyǵyn merekeleý aıasynda uıymdastyrylǵan sharaǵa qatysýshylar «AiLand» (okeanarıým) kóńil-kóterý ortalyǵyn, «Han Shatyr» ortalyǵyn, «Máńgilik El» saltanat qaqpasyn, Ulttyq mýzeıdi, «Astana Báıterek» monýmenti men «MEGA Silkway» saýda oıyn-saýyq ortalyǵyn aralap qaıtady. 

Avtobýstaǵy ekskýrsııalar qazaq jáne orys tilderinde aýdıogıdtiń kómegimen júrgiziledi (bir reıs - qazaq tilinde, ekinshi reıs - orys tilinde, aýysý arqyly). 

Qoǵamdyq kólik «AiLand» jáne «MEGA Silkway» aıaldamalarynan saǵat 10:00-de (qazaq tilinde); 12:05-te (orys tilinde); 14:30-da (qazaq tilinde); 16.35 (orys tilinde); 16:35-te (orys tilinde) jáne 18:40-ta (qazaq tilinde) saparǵa shyǵady. 

Ekskýrsııany belgili bir tilde ǵana tyńdaǵysy keletinder ózderimen birge qulaqqap alyp kelýi qajet. 




Foto: redbus.kz