Elordada aldaǵy kúnderi ótkinshi jańbyr jaýady
ASTANA. 4 qarasha. QazAqparat - Sınoptıkterdiń boljamynsha, jańa jumys aptasynyń basynda aýa raıy jaýyn-shashyndy bolady. Bul týraly «Qazgıdromet» RMK silteme jasap astana.kz habarlady.
«Dúısenbi kúni Astanada kóshpeli bult shyǵady, kúndiz azdap jaýyn-shashyn jaýý yqtımal. Ońtústik-batystan 9-14 m/s jel soǵady. Túnde aýa temperatýrasy 0+2°C, kúndiz +3+5°C bolady», - delingen habarlamada.
Seısenbi kúni elordada kún ala bultty jaýyn-shashyndy bolady. Batystan 9-14 m/s jel soǵady. Túnde aýa temperatýrasy 0+2°C, kúndiz +4+6°C bolady.
Sársenbi kúni kóshpeli bult shyǵady, jaýyn-shashyndy bolady. Ońtústik-batystan 9-14 m/s jyldamdyqpen jel soǵady. Túnde aýa temperatýrasy 0-2°C, kúndiz +3+5°C bolady.
