Elordada alaıaqtyqtyń jańa túri paıda boldy – polıtsııa kúdiktini ustady
«Internettegi alaıaqtar kóptegen habarlandyrýlardy oqıdy. Óz qurbanyn tańdap alyp, onymen satyp alýshy sekildi sóılesedi jáne taýaryn alýǵa ótirik kelisedi. Aqsha aýdarý úshin alaıaqtar silteme jiberip, batyrmany basýdy suraıdy. Bir qaraǵanda silteme esh kúdik týdyrmaıdy, biraq ony basqanda paıdalanýshy fıshıngtik saıtqa ótedi. Bul saıtta bank kartasy, CVV-kody men JSN kórsetetin saýalnamany toltyrý men aqsha aýdarymyn kútý usynylady. Alaıda, rekvızıtter toltyrylǵan soń, bank kartalarynan ruqsatsyz aqsha alynady. Atalǵan rekvızıtter arqyly esepshottaǵy barlyq qarajatty ıemdenip alady. Onyń ústine saıt birneshe sekýndta buǵattalyp, izim-ǵaıym joǵalady», - dep habarlady elordalyq departament.
Atalǵan fakt boıynsha QR Qylmystyq kodeksiniń 190-baby boıynsha qylmystyq is qozǵalǵan.
Sońǵy bir aıda dál osyndaı faktilermen polıtsııaǵa 15 aryz túsken.
«Bul alaıaqtyq shemasyn júrgizdi degen kúdikpen 23 jastaǵy er adam ustaldy. Oǵan qatysty qylmystyq is qozǵaldy jáne sotqa deıingi tergeý júrip jatyr. Nur-sultan qalasynyń Polıtsııa departamenti azamattardy muqııat/ bolýǵa jáne tekserilgen ınternet-resýrstarǵa ǵana senýge, resmı ınternet-saıttardaǵy nemese koll-ortalyqtar arqyly jańa qyzmetterdiń durystyǵyn tekserýge shaqyrady. Sondaı-aq bank kartalary derekterin jáne CVV-kodty bógde adamdarǵa bermeý kerek. Mundaı jaǵdaıda dereý bankke habarlasyp, bank operatsııalary men kartalaryn buǵattap, polıtsııaǵa habarlaý kerek», - deıdi polıtseıler.
