Elordada alaıaq reseılik eseptegi kólikterdi jalǵa alyp, satyp jibergen

NUR-SULTAN. QazAqparat – Elordanyń krımınaldyq polıtsııa qyzmetkerleri jedel-aldyn alý sharalary barysynda 22 jastaǵy er adamdy ustady, dep habarlaıdy QazAqparat Nur-Sultan qalasy polıtsııa departamentiniń baspasóz qyzmetine silteme jasap.

Alaıaq «OLX» jarnama saıty arqyly reseılik eseptegi kólikterdi bir táýlikke jalǵa alyp, olardy basqa azamattarǵa satqany anyqtaldy.

Er adam osyndaı jolmen 7 adamdy aldap, 12 mln astam teńgeni ıemdenip alǵan. Qazirgi kezde ol ýaqytsha ustaý ızolıatoryna qamaldy.

Atalǵan fakti boıynsha qylmystyq is qozǵaldy, ustalǵan azamattyń osyǵan uqsas buryn jasalǵan qylmystarǵa qatysy anyqtalý ústinde.

Nur-Sultan qalasynyń Polıtsııa departamenti azamattardy qyraǵy bolyp, beıtanys adamdarǵa senbeý kerek ekenin eskertedi.