Elordada alańda aspazshylar festıvali ótip jatyr
ASTANA. QazAqparat - Qalalyq alańda «Aspazshylar sheberligi - súıikti qalaǵa» atty tórtinshi aspazshylar festıvaliniń ashylý saltanaty ótti. Shara 6 shildege deıin jalǵasady. Osy kúnderi daıashylar, barmender men aspazshylar ózara saıysqa túsedi. Búgin qazylar alqasy úzdik daıashyny anyqtady.
2 kezeńmen ótken baıqaýǵa elordalyq meıramhana, kofehana men kondıterlik dúkenderden 7 adam qatysty. Daıashylar aldymen ózderiniń kásibı mashyqtaryn kórsetip, qolyna stakandar qoıylǵan tabaqty ustap, sıgveımen tapsyrystardy taratty. Ekinshi kezeń kúrdelirek boldy, stakandarǵa almany dóp tıgizgender az boldy. Baıqaý sońynda qazylar alqasy Amanjolov Qýatty biraýyzdan jeńimpaz dep tanydy.
Festıvaldiń alǵashqy kúni qazaqstandyq estrada juldyzdary: ánshiler, mýzykanttar men bı ujymdary óner kórsetti.
