Elordada Ál-Farabıdiń 1150 jyldyǵyna arnalǵan esse baıqaýynyń jeńimpazdary marapattaldy
Táýelsizdik saraıynda «Qaıyrymdy qala turǵyndary» esse baıqaýynyń jeńimpazdary men júldegerlerin marapattaý rásimi ótti. Shara uly ǵalym Ábý Nasr Ál-Farabıdiń 1150 jyldyǵyna oraılastyrylǵan.
«Ál-Farabıdiń ómirbaıany», «Uly oıshyldyń rýhanı murasy», «Ál-Farabıdiń ǵylymı-shyǵarmashylyq jumystary», «Ál-Farabıdiń álemdik ǵylymǵa qosqan úlesi», «Ál-Farabı ıdeıalarynyń qazirgi qoǵam úshin ózektiligi» jáne t.b. taqyryptar boıynsha eń jaqsy jumystar tańdap alyndy.
Qazylar alqasy músheleriniń sheshimi boıynsha mektep oqýshylary, sondaı-aq joǵary oqý oryndary men kolledj stýdentteri arasynda eki nomınatsııa boıynsha baǵaly syılyqtar tabystaldy.
Mektep oqýshylary arasynda oryndar kelesideı bólindi:
1 oryn – Maqpal Battalova, I. Qutpanuly atyndaǵy orta mektep;
2 oryn – Sánııa Júnisova, №28 mektep-lıtseı;
3 oryn – Aılın Qaıratova, №72 mektep-lıtseı.
JOO men kolledj stýdentteri arasynda:
1 oryn – Gúlnaz Terlikbaeva, Qazaq ekonomıka, qarjy jáne halyqaralyq saýda ýnıversıteti;
2 oryn – Indıra Sultanǵalıeva, L.N.Gýmılev atyndaǵy Eýrazııa ulttyq ýnıversıteti;
3 oryn – Aıdana Qaıyrjanova, L.N.Gýmılev atyndaǵy Eýrazııa ulttyq ýnıversıteti.
Sonymen qatar JOO, kolledj stýdentteri men oqýshylar arasynan 20 qatysýshyǵa 10 myń teńge kóleminde yntalandyrý syılyqtary tabystaldy.
Baıqaýdy Nur-Sultan qalalyq Din isteri máselelerin zertteý ortalyǵy uıymdastyrdy. Sharaǵa Nur-Sultan qalalyq din isteri basqarmasynyń basshysy N.Álmuhanov, Din isteri máselelerin zertteý ortalyǵynyń dırektory J.Qarasholaqov, fılologııa ǵylymdarynyń doktory, professor, alashtanýshy D.Qamzabekuly, fılologııa ǵylymdarynyń kandıdaty Z.Malǵaraeva jáne Bilim berýdi jańǵyrtý ortalyǵy dırektorynyń orynbasary S.Daýshova qatysty.
