Elordada Ál-Farabı dańǵylynyń bóligi jabylady
ASTANA. QazAqparat - Elordada Ál-Farabı dańǵylynyń Dosmuhameduly kóshesinen bastap Alash tas jolyna deıingi ýchaskesi jabylady, dep habarlandy qala ákimdiginiń Kólik jáne jol-kólik ınfraqurylymyn damytý basqarmasynyń Instagram-daǵy paraqshasynda.
«Astana qalasynyń Kólik jáne jol-kólik ınfraqurylymyn damytý baskarmasy» MM jol qozǵalysy qaýipsizdigin qamtamasyz etý maqsatynda Astana kalasynyń PD ákimshilik polıtsııa Basqarmasymen kelise otyryp, Dosmuhameduly kóshesinen bastap Alash tas jolyna deıingi ýchaskede Ál-Farabı dańǵylynda ortasha jol jóndeý jumystarynyń júrgizilip jatqany týraly habarlaıdy.
Osyǵan baılanysty aǵymdaǵy jyldyń 4 pen 7 tamyz aralyǵynda avtokólik quraldary úshin kórsetilgen ýchaskede qozǵalys ishinara jabylatyn bolady» delingen habarlamada.
Elorda turǵyndary men qonaqtary joldardaǵy keptelis jaǵdaılaryn boldyrmaý maqsatynda óz marshrýttaryn aldyn ala josparlaýy qajet.
