Elordada Ál-Farabı dańǵyly jartylaı jabylady
NUR-SULTAN. QazAqparat – Ál-Farabı dańǵyly (burynǵy aınalma jol, Baıyrqum kóshesi) 17 maýsymǵa deıin jartylaı jabylady, dep habarlaıdy QazAqparat qala ákimdigine silteme jasap.
Kólik jáne jol-kólik ınfraqurylymyn damytý basqarmasynyń habarlaýynsha, ál-Farabı dańǵyly Pýshkın kóshesinen A. Baıtursynov kóshesine deıingi ýchaskede jol jelisi ortasha jóndeledi.
«Osyǵan baılanysty 28 mamyr men 17 maýsym aralyǵynda osy ýchaskede kólik qozǵalysyn jartylaı jabý josparlanǵan», delingen habarlamada.
Kólik júrgizýshilerge keptelisti boldyrmas úshin aldan ala baǵytyn josparlap alý kerektigi eskertildi.
