Elordada aqyn ári jazýshy Zınaıda Chýmakovanyń shyǵarmashylyq keshi ótti
ANA. Qazannyń 30-y. QazAqparat /Marlan Jıembaı/ - Keshe elordadaǵy Reseı ǵylym jáne mádenıet ortalyǵynda Qazaqstan men Reseı Jazýshylar odaǵynyń múshesi, Qazaqstannyń mádenıet qaıratkeri, úsh halyqqa ortaq aqyn ári jazýshy Zınaıda Chýmakovanyń shyǵarmashylyq keshi ótti,
dep habarlaıdy qazAqparat.
Ulty sheshen aqynnyń esimi Qazaqstanǵa ǵana emes, sonymen qatar Reseı, Sheshenstan, Ingýshetııa memleketterine de keńinen tanymal.
«Qazir men ózimniń jańa kitabimmen jumys istep jatyrmyn. Ázirshe shartty túrde «Qazaqstan jáne qazaqstandyqtar» dep atap otyrmyn. Osy kitabymda Qazaqstannyń mádenı murasy, qazaqtardyń jáne qazaqstandyqtardyń salt-dástúri týraly materıaldarmen qatar elimizdiń uly tulǵalary jaıynda da aqparattar usynylatyn bolady», deıdi Z.Chýmakova.
Qalamgerdiń buǵan deıin jaryq kórgen shyǵarmalarynyń arasyndaǵy shoqtyǵy bıigi Sheshenstandaǵy soǵys jaıynda syr shertetin - «Ivolga» povesi. Ol osy elde qaqtyǵystar beleń alyp turǵan tusta úsh márte bolǵan bolatyn. Onyń aıtýynsha, shyǵarmasynda ol eki tilde, ıaǵnı orys pen sheshen áıelderiniń tilderinde, osy tragedııany ashyp kórsetýge tyrysqan.
Zınaıda Chýmakova Jezqazǵan qalasynda turyp, jumys isteıdi. Onyń 7 óleńder men prozalar jınaǵy jaryq kórgen. Óz talantyn moıyndata bilgen jazýshy Konstantın Sımonov atyndaǵy halyqaralyq ádebıet syılyǵymen, A.P.Chehov atyndaǵy estelik medalmen, Gavrııl Derjavın atyndaǵy ádebı syılyqpen, «QR Mádenıet qaıratkeri» belgisimen, «Qazaqstannyń eńbek sińirgen qaıratkeri» ataǵymen marapattalǵan. Óleńderi qazaq, sheshen, polıak, ýkraın, cheh, belarýs tilderine aýdarylǵan.
