Elordada aqyn, ánshi, sazger Iran Tasqaranyń «Táýelsizdik shattyǵy» atty shyǵarmashylyq kontserti ótti

 dep habarlaıdy QazAqparat.

Kókshetaýdan arnaıy kelgen «Nur otan» HDP fılıaly tóraǵasynyń orynbasary Ǵalym Shoıkın  bul is-sharanyń Aqmola oblysynyń - 70, Kókshetaý qalasynyń - 185, «Nur Otan» HDP-nyń - 10, al qazaq halqynyń aty ańyzǵa aınalǵan tanymal sal-serisi, sazger Birjan Qojaǵululynyń 175 jyldyq mereıtoıyna arnalyp otyrǵandyǵyn atap ótti.

Kontserti óziniń «Táýelsizdik shattyǵy» jyrymen ashqan I.Tasqara budan keıin Birjan saldyń birqatar ánin áýelete shyrqady.  Sonymen qatar QR-nyń eńbek sińirgen ártisteri Bısara Mákenova, Ǵazıza Jumekenova, eńbek sińirgen mádenıet qaıratkerleri Mereke Bekmaǵambetov, Maıra Esmuhambetova jáne Aqmola óńiriniń talantty jas ónerpazdary  qatysyp, Birjan saldyń, Aqan seriniń, jáne I.Tasqaranyń shyǵarmashylyǵynan ánder oryndady. Ánshilerdi dırıjer Dáýren Ǵylymovtyń basshylyǵyndaǵy Astanadaǵy Memlekettik halyq aspaptary orkestri súıemeldep otyrdy.

Atalǵan kesh Aqmola oblystyq mádenıet basqarmasynyń, oblystyq fılarmonııanyń jáne halyq shyǵarmashylyǵy ortalyqtarynyń qoldaýymen  «Nur Otan» HDP Aqmola oblystyq fılıaly uıymdastyrdy.