Elordada aqyly PTR testini qaıdan ótýge bolady
NUR-SULTAN. QazAqparat - Nur-Sultan qalasy Qoǵamdyq densaýlyq saqtaý basqarmasy koronavırýs ınfektsııasyn anyqtaý úshin PTR testileý ádisimen aqyly túrde taldaý júrgizetin jeke medıtsınalyq uıymdar tizimin jarııalady, dep habarlaıdy QazAqparat tilshisi.
PTR testileý quny 8 000 teńgeden bastap Ulttyq ekspertıza ortalyǵynda, «Meıirim» JShS, «BIO Lab» JShS-da júrgiziledi. Táýligine - 800-1 000 taldaý.
«Ulttyq ǵylymı medıtsınalyq ortalyq, «INVIVO» JShS, «OLIMP» KDZ, Kópbeıindi qalalyq №2 aýrýhana, Kópbeıindi qalalyq №2 balalar aýrýhanasy, QR Prezıdenti Іs basqarmasy Medıtsınalyq ortalyǵynyń aýrýhanasy atalmysh testileýdi 9-11 myń teńgege júrgizedi.
12-15 myń teńge shamasynda «Genom plıýs» JShS, Tranfýzıologııa ǵylymı-óndiristik ortalyǵy, UMC KQ Respýblıkalyq dıagnostıklyq ortalyǵynda ótýge bolady. Koronavırýs ınfektsııasy boıynsha PTR testiden ótem deýshilerge bul qyzmet aqyly. Júkti áıelderge, KVI aýyrǵandarmen baılanysta bolǵandarǵa nemese kórsetkishteri bolǵan jaǵdaıda bul medıtsınalyq qyzmet qala emhanalarynda tegin kórsetiledi», - delingen habarlamada.
Elordada KVI-de bıomaterıal jınaýǵa arnalǵan 15 zerthana qyzmeti bar. Zerthanalardyń jalpy qýattylyǵy táýligine 10 myńnan astam synaqty quraıdy.
