Elordada «aqyldy» shlagbaýmdar paıda bolady
NUR-SULTAN. QazAqparat – Elordada shlagbaýmdar avtomattandyryla bastady. Bul týraly Nur-Sultan qalasynyń tsıfrlandyrý jáne memlekettik qyzmet basqarmasynyń basshysy Botagóz Qasabek málim etti, dep habarlaıdy QazAqparat tilshisi.
«Bizdiń basqarma pılottyq joba retinde shlagbaýmdarǵa «aqyldy» qurylǵylardy ornata bastady. Bul rette biz shlagbaýmnyń ózin aýystyrǵaly jatqan joqpyz. Tek shlagbaýmnyń ózine qurylǵy bekitemiz. Shlagbaýmnyń ústine ornatylǵan kamera sanaýly sekýndtyń ishinde – jedel járdem, órt sóndirý nemese tótenshe jaǵdaı qyzmetiniń kólikterin tanıtyn bolady», - dedi Botagóz Qasabek onlaın brıfıng barysynda.
Basqarma basshysynyń aıtýyna qaraǵanda, kóliktiń nómirin oqyǵannan keıin qurylǵy avtomatty túrde sıgnal berip, shlagbaým ózdiginen ashylady.
«ıAǵnı bul ıntellektýaldy júıe. Shlagbaýmnyń ózin aýystyrmaıtynymyzdy taǵy da eskerte keteıin», - dedi Botagóz Qasabek.
