Elordada akvapark pen sholý sheńberi ashylady
ASTANA. QazAqparat - Astanada bıiktigi 65 metrlik sholý sheńberi salynyp jatyr. Onyń janynda jalpy aýdany 41780 m2 quraıtyn akvapark paıda bolady. Atalǵan nysandar 2017 jyldyń shilde aıynda paıdalanýǵa berilmek, dep habarlaıdy Astana ákimdiginiń baspasóz qyzmeti.
Qazirgi kezde «Dýman» oıyn-saýyq ortalyǵy ǵımaratynyń bir bóligin qaıta jóndeý jumystary júrgizilip jatyr. Jalpy aýdany 6,3724 ga jerde akvapark pen sholý sheńberi ornalaspaq. Attraktsıon 32 kabınadan turady, sondaı-aq, aýa baptaý jáne jylytý júıelerimen jabdyqtalady. Bul elorda turǵyndary men qonaqtaryna qalanyń kórkin jyl boıy tamashalaýǵa múmkindik beredi. Sonymen qatar, tórt asa jaıly kabına jasalmaq. Attraktsıon táýlik boıy jumys isteıtin bolady.
Budan basqa, akvaparktiń ótkizý qabilettiligi jylyna 240-250 myń adamdy quraıdy. Oıyn-saýyq kesheninde sýdaǵy attraktsıondar, fýdkort jáne kıinetin oryndar bolady.
