Elordada aqsha aıyrbastaý pýnktinen 10 mln teńgeni qoldy qylǵan ury ustaldy
NUR-SULTAN. QazAqparat - Elordada pyshaqpen qarýlanǵan er adam aqsha aıyrbastaý pýktine basyp kirip, 10 mln teńgeni qoldy qylǵan, dep habarlaıdy QazAqparat tilshisi Nur-Sultan qalalyq Polıtsııa departamentiniń baspasóz qyzmetine silteme jasap.
Oral qalasynyń týmasy aqsha aıyrbastaý pýnktine shabýyldamas buryn býkmekerlik keńsege aqsha utylyp qalǵan.
Tártip saqshylary ýaqyt ozdyrmaı kúdiktiniń izine túsip, bir táýliktiń ishinde qolǵa túsirgen.
«Ustalǵan kúdikti jymqyrǵan aqshasyn ustap úlgermedi. Qazirgi ýaqytta elordadaǵy ýaqytsha oqshaýlaǵyshta otyr. Zattaı dálelder tárkilenip alyndy. QR Qylmystyq kodeksiniń 193-baby boıynsha sotqa deıini tergeý amaldary júrgizilip jatyr. Onyń basqa da qylmystarǵa qatysynyń bar-joǵy anyqtalýda», - delingen departamenttiń habarlamasynda.
