Elordada aqmolalyq taýar óndirýshilerdiń azyq-túlik jármeńkesi ótedi

KÓKShETAÝ. QazAqparat - Elimizdiń bas qalasyna tikeleı jaqyn ornalasqan Aqmola oblysy tek óńir turǵyndaryn ǵana emes, astana turǵyndaryn da azyq-túlikpen úzdiksiz qamtamasyz etip keledi. Azyq – túlik beldeýin damytý aıasynda 300 shaqyrymdyq aımaq anyqtalsa, oǵan oblystyń 17 aýdany enip otyr, dep habarlaıdy QazAqparat tilshisi oblystyq ishki saıasat basqarmasyna silteme jasap.

Azyq-túlik jármeńkelerin ótkizý elorda turǵyndaryna qolaıly baǵamen jergilikti ónimderge qol jetkizýdiń birden bir joly. Osy baǵytta qazannyń 30-31 kúnderi Nur-Sultan qalasynda Aqmola oblysynyń aýyl sharýashylyǵy taýaryn óndirýshilerdiń qatysýymen azyq-túlik jármeńkesi ótkiziledi.

Elorda qonaqtary men turǵyndary úshin azyq-túliktiń 50-den astam túri usynylady. Onyń ishinde kókónister, jemister, qyshqyl sút, et ónimderi jáne basqa da kóptegen ekologııalyq taza ónimder bar. Usynylatyn azyq-túlik naryq baǵasynan 10-15 paıyzǵa arzan bolady.

«Oblys sharýalary 123 tonna et jáne shujyq ónimin, 50 tonna sút jáne sút ónimin, 8 tonna balyq, 394 myń dana jumyrtqa, 13 tonnadan astam un, 164 tonna kartop, 54 tonna kókónis, 3 tonnadan astam kondıterlik jáne nan-toqash ónimderin, 3 tonna ózge de qajetti ónimder jetkizedi», - dedi oblystyq aýyl sharýashylyǵy basqarmasynan.

Aıta keteıik, atalmysh jármeńkege eki júzge jýyq aýyl sharýashlyǵy taýaryn óndirýshi kásiporyn qatysyp, 460 tonnadan astam ónim usynady.