Elordada Aqmola oblysynyń aýylsharýashylyq jármeńkesi ótedi
ASTANA. QazAqparat - 27-28 qazanda Astana qalasy «Qazaqstan» sport kesheniniń alańynda Aqmola oblysy aýylsharýashylyq taýar óndirýshileriniń qatysýymen aýylsharýashylyq jármeńkesi uıymdastyrylatyn bolady, dep habarlaıdy Astana qalasy ákimdiginiń resmı saıty.
Jármeńkede Aqmola oblysynyń 2 qalasynan jáne 17 aýdanynan 100-den astam aýylsharýashylyq taýar óndirýshiler men óńdeýshi kásiporyndary bas qala turǵyndaryna óz ónimderin usynbaq.
Jármeńkege Aqmola oblysynyń agroónerkásiptik kesheniniń sýbektileri 373,5 mln teńge somaǵa 730,5 tonnany quraıtyn túrli ónim túrlerin ákeledi, barlyq taýarlar qala bazarlaryndaǵy baǵalardan 15-20%-ǵa tómen bolmaq, sonyń ishinde: et jáne shujyq ónimderi - 174 tonna, balǵyn balyq jáne balyq ónimderi - 10,2 tonna. jumyrtqa - 2,5 mln dana, sút jáne sút ónimderi - 34,3 tonna, un - 50 tonna, ósimdik maıy - 15 myń lıtr, kartop - 300 tonna; basqa ónimder - 9,5 tonna.
