Elordada ákimshilik ǵımarattan 200-ge jýyq adam evakýatsııalandy
NUR-SULTAN. QazAqparat – Elordada ákimshilik ǵımarattan órt shyǵyp, 200-ge jýyq adam evakýatsııalandy. Bul týraly Nur-Sultan qalalyq tótenshe jaǵdaılar departamentinen málim etti.
Vedomstvo dereginshe, búgin saǵat 13:30-da elordanyń Esil aýdanynda, Qabanbaı batyr dańǵyly 17 mekenjaıynda órt shyqqany týraly habarlama túsken. Oqıǵa ornyna qalalyq TJD órt sóndirý bólimsheleriniń eke quramynan 26 maman men 5 tehnıka jiberilgen.
«Órt sóndirýshiler kelgennen keıin kólik turaǵynda tútindeý oryn alǵany, elektr qalqanynyń symdary aldyn ala tuıyqtalǵany anyqtaldy. Qaza tapqandar men zardap shekkender joq. Órt sóndirý bólimsheleri kelgenge deıin ákimshilik ǵımarattan 200-ge jýyq adam qaýipsiz jerge shyǵyp úlgergen. Aýdı markaly bir kólik qaýipsiz jerge shyǵaryldy», - dedi departamentten.
