Elordada «Akademııa solıstov» Memlekettik kameralyq orkestriniń kontserti ótedi
ASTANA. 30 qańtar. QazAqparat - «3 aqpanda Qazaq ulttyq óner ýnıversıtetiniń organ zalynda respýblıkamyzdyń tanymal óner ujymdarynyń biri - «Akademııa solıstov» Memlekettik kameralyq orkestriniń kontserti ótedi»,-dep habarlaıdy Astana qalasy mádenıet basqarmasynyń «Memlekettik fılarmonııa» memlekettik mekemesiniń baspasóz qyzmeti.
Atalmysh orkestr 1991 jyly osy ujymnyń kórkemdik jetekshisi, álemge áıgili mýzykant, Halyq ártisi, birqatar Memlekettik syılyqtardyń ıegeri Aıman Musaqojaevanyń bastamasymen qurylǵan. Orkestrdiń bas dırıjeri - Qazaqstanǵa eńbek sińirgen qaıratkeri Baqytjan Musaqojaeva.
1993 jyly Úkimet qaýlysymen ujym Memlekettik kameralyq orkestr mártebesine ıe boldy. Sodan beri 20 jyl boıy «Akademııa solıstov» kameralyq orkestri otandyq sahnada óner kórsetip, shetelde Qazaqstannyń mýzykalyq jáne oryndaýshylyq dástúrlerin nasıhattaýdan talmaı, halyqaralyq mádenı baılanystardy damytýǵa súbeli úlesin qosyp keledi. Akademııa solıstov» orkestri - biregeı ári úılesimdi ujym, sonymen qatar tamasha jeke oryndaýshylardyń basyn qosqan ansambl. 3 aqpan kúngi kontsertte respýblıkalyq jáne halyqaralyq konkýrstardyń jeńimpazdary óner kórsetedi.
