Elordada Aq Azıadanyń ótýi barysynda eleýli qylmystyq oqıǵalar oryn alǵan joq - ІІD
ANA. 8 aqpan. QazAqparat /Jasulan Amanbaıuly/ - Aq Azıadanyń ótýi barysynda elordada eleýli qylmystyq oqıǵalar oryn alǵan joq.
Bul týraly búgin Astana qalasynyń ІІD-de 7-Qysqy Azııa oıyndarynyń qaýipsizdigin qamtamasyz etýdiń qorytyndylaryn shyǵarýǵa arnalǵan baspasóz máslıhatynda Qoǵamdyq qaýipsizdik basqarmasy bastyǵynyń orynbasary Baqytbek Demejanov málim etti.
«Azıada sharasyn ótkizý barysynda Oıyndardyń ótkizilgen obektilerinde jáne sheteldik qonaqtar men sportshylardy ornalastyrýda quqyq buzýshylqtar tirkelgen joq», - dedi ol.
Osy aralyqta elordanyń qoǵamdyq qaýipsizdigin saqtaýǵa birneshe myń polıtseı jumyldyryldy. Astanaǵa Soltústik Qazaqstan, Qaraǵandy, Qostanaı men Pavlodar oblystarynyń ІІD-niń qyzmetkerleri de tartylǵan bolatyn.
Astanaǵa Qysqy Azııa oıyndaryna 27 elden 5 myńnan astam qatysýshy keldi. Olar 45 qonaqúıge jaıǵastyryldy.
