Elordada aǵylshyn tilindegi teatrlandyrylǵan qoıylymdar festıvali ótip jatyr
ASTANA. QazAqparat - Astana qalasynyń Bilim basqarmasy, Astanadaǵy «Pearson» kompanııasynyń ókildigi jáne Aǵylshyn tili muǵalimderiniń uıymy qalalyq mektepter men balabaqshalar arasynda besinshi qalalyq «EnglishTheatreFestival» aǵylshyn tilindegi teatrlandyrylǵan qoıylymdar festıvalin ótkizýde. Festıval 2015 jyldyń 2-8 sáýiri aralyǵynda ótedi. Bul týraly elorda ákimdiginiń resmı saıtynda habarlandy.
Qoıylymdardy Astana qalasy Bilim basqarmasynyń ókilderi, Astanadaǵy sheteldik elshilikterdiń ókilderi, shyǵarmashylyq qyzmetkerler, qalalyq teatrlardyń akterleri, tájirıbeli aǵylshyn tiliniń muǵalimderi, Astanada jumys isteıtin sheteldik muǵalimderden qurylǵan qazylar alqasy baǵalaıtyn bolady.
Festıvaldiń maqsaty - balalar men oqýshylar arasynda teatr ónerin damytý jáne nasıhattaý, sonymen qatar, aǵylshyn tilin úırenýge degen qyzyǵýshylyqty arttyrý. Festıval Astanada besinshi ret ótkizilip otyr, oǵan qaladaǵy 20-dan astam mektep pen 9 balabaqsha qatysyp otyr. Balalar 4 jas sanaty boıynsha baq synasatyn bolady: 5-7 jas aralyǵyndaǵy balalar, 7-10 jastaǵy mektep oqýshylary, 11-14 jastaǵy jáne 15-18 jastaǵy balalar.
Uıymdastyrýshylar osyndaı saıystar balalardyń shyǵarmashylyq daǵdylaryn arttyryp, aǵylshyn tilin jetik meńgerýge kómektesedi dep esepteıdi.
