Elordada aǵylshyn tilinde ІІІ qalalyq teatrlar qoıylymy ashylady
ASTANA. 14 sáýir. QazAqparat - Elordalyq búldirshinderde aǵylshyn tilin meńgergendigin jáne akterlik sheberligin kórsetetin múmkindik týdy. Mine, úshinshi jyl qatarynan Astanada balabaqshalar men qala mektepteri arasynda «English Theatre Festival» aǵylshyn tilinde teatr qoıylymy festıvali uıymdastyrylady..
Bıylǵy jyly qalalyq festıval 15-i men 20 sáýir aralyǵynda ótedi. Bul týraly astana.kz saıtyna M.Gorkıı atyndaǵy orys drama teatrynan málim etti.
«2013 jylǵy 15-i men 20 sáýir aralyǵynda Astana qalasynyń Bilim basqarmasy, «Pearson» kompanııasynyń Astanadaǵy ókildigi jáne Aǵylshyn tili muǵalimderiniń uıymy úshinshi jyl qatarynan Astanada balabaqshalar men qala mektepteri arasynda «English Theatre Festival» aǵylshyn tilinde teatr qoıylymy festıvalin ótkizýde»,- dep habarlaıdy uıymdastyrýshylar.
Uıymdastyrýshylardyń aıtýynsha, mundaı festıval balalar men mektep oqýshylary arasynda teatr ónerin damytyp, keńinen tanytý, sondaı-aq, aǵylshyn tiline degen qyzyǵýshylyqty arttyrý maqsatyn kózdeıdi.
Shyǵarmashylyq jarys elordalyq balabaqshalar men №54, №3, №46 mektepterde ótedi. Baıqaýǵa 15-ten astam mektepten jáne 4 balabaqshadan balalar qatysady dep josparlanǵan.
Festıval tórt jas ereksheligi sanatynda, atap aıtqanda: 5-6 jastaǵy balalar, 7-10 jastaǵy mektep oqýshylary, 11-14 jastaǵy jáne odan da joǵary 15-18 jastaǵy balalar arasynda ótedi.
Qoıylymdy baǵalaıtyn qazylar alqasynyń quramyna Astana qalasy Bilim basqarmasy ókilderi, M.Gorkıı atyndaǵy akademııalyq orys drama teatrynyń shyǵarmashylyq qyzmetkerleri, qalalyq Oqýshylar saraıynyń ádiskerleri jáne tájirıbeli aǵylshyn tiliniń muǵalimderi enedi.
Uıymdastyýshylardyń aıtýynsha, eshbir bala eskerýsiz qalmaıdy. Barlyǵy da kishkentaı, biraq paıdaly kádesyılar alady. Úzdik jas ártisterge aǵylshyn tilin oqyp-úırenýde aıtarlyqtaı jeńildikter jasalady.
