Elordada Ádilet departamenti bastyǵynyń orynbasary sottaldy
«Nur-Sultan qalasynyń Esil aýdandyq sotynyń úkimimen elordanyń Ádilet departamenti bastyǵynyń orynbasary R.Ramazanov 22 mln teńge kóleminde para alý jáne «Astana qalalyq jaryq» JShS shotynan buǵattaýdy alyp tastaý áreketteri úshin kináli dep tanylyp, 9 jylǵa bas bostandyǵynan aıyryldy. Sot sheshimimen onyń sybaılastary - Ádilet departamenti atqarýshy óndiristi qamtamasyz etý basqarmasynyń basshysy E.Dáýletbaev pen Ádilet departamentiniń Almaty aýmaqtyq bóliminiń basshysy - aǵa sot oryndaýshy G.Manapova sáıkesinshe 9 jáne 5 jylǵa bas bostandyqtarynan aıyryldy», - delingen agenttiktiń habarlamasynda.
Sonymen qatar, QR Qylmystyq protsessýaldyq kodekstiń 200-baby aıasynda Sybaılas jemqorlyqqa qarsy ulttyq bıýro engizgen usynym negizinde jáne Ádilet mınıstrliginiń jaýapty hatshysynyń buıryǵymen Ádilet departamentiniń basshysy M.Ábilov qyzmetinen bosatyldy.
Qalalyq Ádilet departamentiniń sheneýnikteri jemqorlyq kúdigimen qamaýǵa alynǵany týraly buǵan deıin habarlaǵan bolatynbyz. Birneshe aıdan keıin departament basshysy qyzmetinen bosatyldy.