Elordada adamzat balasynyń ǵaryshqa alǵashqy saparyn beıneleıtin biregeı kórme ashyldy
ANA. 12 sáýir. QazAqparat - Búgin elordadaǵy «Báıterek» monýmentinde adamzat balasynyń ǵaryshqa alǵashqy saparyn beıneleıtin 60 biregeı muraǵattyq sýretterden turatyn «Ol «Kettik», - dedi» atty fotokórme ashyldy.
Uıymdastyrýshylardyń atap ótýinshe, kórmege qoıylǵan sýretterdiń basym bóligi «Jańalyqtar» reseılik aqparat agenttiginiń muraǵatynan alynǵan, ári buǵan deıin esh jerde jarııalanbaǵan.
Tanymal reseılik jáne keńestik fotograftardyń kórmege qoıylǵan týyndylary kelýshilerge ǵarysh keńistigin baǵyndyrýdyń túrli kezeńderinen, Jerdiń alǵashqy jasandy serigin ushyrýdan bastap, ıÝ.Gagarınniń ǵaryshqa ushý, Halyqaralyq ǵarysh stansysy men «Baıqońyr» ǵarysh aılaǵynyń zamanaýı ushyrý alańdary týrasynda syr shertedi. Sondaı-aq elordalyqtar men qala qonaqtary alǵashqy ǵaryshker ıÝrıı Gagarınniń biregeı sýretterin de tamashalýǵa múmkindik alady.
Ashylý rásiminde sóz alǵan Qazaqstandaǵy RF Elshiliginiń elshi-keńesshisi Sergeı Tarasenko kórmeniń tuńǵysh ǵaryshker ıÝ.Gagarınge arnalǵanyn aıta kele: «Ol qysqa ǵana ómir súrdi. Biraq onyń ómiriniń jarqyn bolǵany sonshalyq, birneshe býyn urpaǵynyń súıispenshiligine bólendi», - dedi.
